ATZOKO eta GAURKO IMMIGRAZIOA

Atzoko eta gaurko immigrazioa” ekitaldia Coliseo Antzokian Jon Maia bertsolariak gidatuta

Ekitaldia datorren ostegunean izango da, abenduaren 19an, 19:00etan, Coliseo Antzokian. ZAS! Zurrumurruen aurkako sareak eta Immigrazio eta Kultura Aniztasun alorrak antolatu du ekimena eta aniztasunarekin lotutako AbenduAnitz agenda itxiko du ekitaldiak.

“Atzoko eta gaurko immigrazioa” ekitaldia Jon Maia bertsolari ezagunak gidatuko du eta jatorri atzerritarra duten eibartarrek ere parte hartuko dute bertan.

Hainbat sorpresa ere izango ditu ekitaldiak: Ez da bertso saioa, baina bertsoak egongo dira… Umorez betetako Clownklusioak…

Ekimenaren helburua topaketarako espazio bat sortzea izango da, elkar ezagutzeko, elkar entzuteko eta bata bestearekin enpatizatzeko.

Elebietan izango da eta sarrera librea da. Ez galdu!